فرحة عزيزة

يا فرحة عزيزة وحشانى
من وقت للتانى بتنسينى
وبتغيبى تشتاقلك احضانى
وباب عمارة يندهلك تتدقيله
ويستنى مَجمع شوقه للقاكى
ويتخيل فـــ حواراته وياكى 
لــ لقطة فــ سهرة لــ نجواكى
وبسر الكامن فـــ تكوينى
يترجى تُدخى فـ شراينى
يا فرحة عزيزة فــ الخطوة
مديلى لو كمااان خطوة
اتصبر فيها على سنينى
يا فرحة خجولة تجينى
اجيلك وانتى ضيفينى
انا ما اخجل اكون ضيفك
انا عفيفك والبسمة تكفينى

سارحة فى الملكوت

بسر الساجدة فى الصلوات

بعشق الروح للى خَالقها

بدعوة مظلوم تهز  السما

بصبر يونس جوا الحوت

بسحر سارحة فى الملكوت

بحس القارئ لقراّنه ،لانجيله

بحرمة ميت جوه تابوت

بحق تسعة وتسعين اسم

لخالق الخلق والملكوت

بدعيلك يا مالك الملك

تَفَوق كل قادر كل طاغوت

وتغرس الحب جواهم
وتحيى قلوب ع الحب
الخير ورضاك نجواهم

وتشد ازر كل فقير

وتسد حاجة المحتاجين

برغم الضيق الرضا مالَيهم

واحفظ بلادى للمجد حُرة

واجعلها بين بلاد الأرض غرة

رمضان كريم

قنديل بـ نور
رشة بـخـور
وروح بَـنور
مـتـشـوقـة
لقى الكريم
خيره كتير
ع الخلق دار
روايـح خـيـر
زكاة وصلاة
تراويح قراّن
دعا مقبول
عطشان جعان
حس الفقير
طول السنة
هَل الهلال
رمضان كريم
افرح بقى

أوضة الإنعاش

خد الزمان و رَدم
و باقى حبة أمل
وملفوف بشاش
وسنين عُجاف 
 فــ أوضة الإنعاش
مبدورة بهَدد
من حقى أخاف
اصل الإنصاف
بقى حالة هَبل
والناس كتير
ومنفسنين
وشوش عَرر
يأهل الاخلاص
مليت خلاص
عيشة القُلل
انا نفسى أعيش
فــ قصور ،فَلل
وابن الحرام
فى برج الحمام
يرتاح ويرسى
وانا كعبى داب
ولايلقى مرسى

خد الزمان و رَدم
والباقى قلب بَار
فى سنين عَجز
يا اهل الاطبا
فى ناس عدم
  تعبها العوى
فين الدوا 
فى ناس مرض
الحقد زاد كسب المراد
أكل جدار قلبهم
لحس جدورعقلهم

خد الزمان و رَدم
والباقى كلمة فى قصيدة
او غنوة فى تنهيدة
او قافية ذلانى
معيوبة فى ميزنها
والكلمة سجنها
ولوحدى انا الجانى

ما حبتشى !

مين اللى قال ما حبتشى
مين اللى قال ما حستشى
وليه اللى قال ما قالشى
ان من الهوى دايب جناحى
وان الليل معاه صباحى
وان الخجل خايف يبوح
جربت يوم توصفلى
عن حب كان موصفلى
ومشيت وما قولشى
انى كتير بستنى
تيجى ولا تمشى

بالصبر نرويها

دنياة الاحلام
ماشية وبتعدى
ساعات تفرحنا
ساعت تبكينا
أوقات بتخذلنا
وكتير تهنينا
تنور ضمايرنا
بضى ضُحاها
وتتوه ملامحنا
فى عتمة لياليها
ودى باقى مين فيها
بالصبر نرويها
تتطرح مطارحنا
والخير يعليها
تتشد قوتنا
   نوصل مراسيها
نوصل لأحلامنا
والصبر اّويها

ماليش غيرك

برغم الفرقة والغيبة
انا بطيبة بقول برضه

ماليش غيرك
برغم فى وحدتى بقاسى
وجودك عزوتى وناسى
وبحتاجلك واناديلك
بيرجعلى بلون ليلك صدى حبى
وبيعدلى مكاتيبى
واقول الفرقة مكتوبة
وليه الغيبه بتقسى
واشوف احوالى وسنينى
بلاقينى لا انا بنسى
ولا بقسى
ولا الغيبة بتلهينى
هداوى عمرى وسنينى
ح اعادى اللى معادينى

طريقى فيه ما فيش غيرى

وانا قادرة على الفرقة وعلى الغيبة
وانا بطيبة هسامح اللى يسمحلى
يخلينى اعاتب نفسى وسنينى
على كل اللى ضاع منها
وانا بطيبة بقول لسه
ماليش غيرك يداوينى
 

 

حَبها كلها

  الضحكه عبت وشها

أول ما وشوش ودنها

  أتلونت لون الحمار

  لون الكريز البكر

 ف غيطان العنب

 أحلامها لوحه من الوجود

  عصافير تزقزق ع الشجر

حلم اتولد من ليل غميق

  صحاها على فجر الامل

 دمعه على الحد الندى

  بين نزولها قلبها

  شافت بعينها نصها

  جالها اللى غير نبضها

  وف همسه قال

  بيحبها