تستاهل

عشان حبت بتتساهل
عشان قسوتك تستاهل
تكون فى الدنيا شارد
عازف وبيعزف قصايد
من الشوق لنن عنيها

.

زيدو الدعا

يــا كُــل الـسـهـرانـيـن
زيـدوا الـدُعـا زيـدوا
رب الـعـبـاد قـابـل
تـعـيـدوا وتـزيـدوا
لَـح فـ دُعـاك بالأوى
رب الـوجـود حـابـب
يـسـمـع دُعـا عـبـيـده

زى حـال الـسهـرانـيـن

و زى حـال الـسهـرانـيـن
بـدعـى و أقـول يــــا رب
أجـعلنا مـن الـصـالـحـيـن
و أخـر دُعـايـا أقـول اّمـين

حاسيين بالرضا

كل حاجة ليها أول ليها أخر
وأحنا كان لازم نعافر
لجل ما نوصل للنهاية
حظنا كانت حزينة
وأحنا بالحزن أرتضينا
مع ان يعنى كتير بكينا
بس حاسيين بالرضا

براح الكون

براح الكون بحاله
بعرضه وأرتفاعه
ما يسوى حاجة عندى
الأ و لمساه ايدك
حب العالم تحدى
وانت الأغلى عندى
وصفولى وصفة هندى
عشان تشتاق عنيك
لقتنى وبالزيادة
حبك بقى عندى عادة
وكل اما اجى اهرب
بتزيد النار وأقرب
وتشتاق العين لعينك
وكفوفى للمسة منك
والطفة بتنادينى
بغيره ما تحلى سنينى
انا عايزة فى حضنه ألعب
وانام فى نن عينه
ولو صعب عليا قرب
أتخبى بين ايديه

بيقول مضطر

بيرضى بكل ااااه فيا
ويصد هوايا ويجرح عنيا
وبيلومنى وينسانى
ولو تسأل يقول مضطر

بحر سعادة

نفسى أديك بالزيادة
بحر يملى عنيك سعادة
بس عشان اديك إفادة
عايزة اتهنا وأملى عينى

عادى ايه

عادي ايه ما تقولش عادي
ده مهما كانوا الناس قصادي
انت اللي فيهم بالحضور
لو حتي خالوا الدنيا قصور
انت اللي قلبك مطرحي
.

العشق ايه

العشق ايه غير دق تايه
فين السبب
رغم العذاب بندوب غياب
والشوق اليه لا يُغترب
ودموع عنينا تحلف تفارق
تمسح دموعها تكتب قصايد
حب وشجن
رغم العناد
رغم التحدى بنقدر نسامح
وندوب ونحيى حفلة سهر
رحلة سفر بين القلوب
فى كتير دروب
ما يشقهاش غير قلب
معشوقه أمر

خزاين السما

خزاين السما مليانة خير
والخير ليه رب أسمه الكبير
عالم بالنفوس ونواياها
وقادر يرزقنا من غير تفسير

عشم عنيه

وعاجز قلبى ع شكرك
لصدك ليه
واسف يعنى ع الأزعاج
عشمانة عنيه
ووعد منى وحياتك
لايوم ندق ع بابك
ولا حتى نشتاق لعنيك

بحبك 100 مرة

بقولها ومش هقول تانى
ملامحك هى عنوانى
ولو فعلا صحيح شارى
بحبك قولها 100 مرة

يار ب فرج

يا رب فرج كل هم
طيب كل خاطر
قرب قلب بعيد
ابعدنا عن المخاطر
أدى للمحتاجين
أرزقهم رزف طير
لو حتى فين وفين
حنن قلب الأحبة
وأدينا من المحبة
نملا الدنيا خير

دور البرئ

مـا تـعـش دور الـبـرئ ..
وأنـت فـى الأصـل الـمُـدان
الـدنـيـا زى أمـتـحـان
وكـل حـلـم ولـه أدان

يحكى ان

يحكى ان
قلبُاً تمنى
يسكن هواك
نزلت دموعه
وبات يغنى
صافينى مرة
وعمرى معاك
قام حن قلبك
وارتاح فى حبك
بين يوم وليلة
بكاك هواك
واللى تمنى
ومات وغنى
وكان ملاك
بسيفه جَرح
أوصال هواك

سؤال

هى ليه كل اللى يعرفها
ويَتطَلع جوا عنيها
يرمى مجاديف الهوا
للدرجة دى مغرية
ولا الهوى حلال عليها

وليه اللى تريده فــ الهوى
ما يكونش ليها
قليلة الحظ يا كبدى
ولا لــ جمال العشق فــ روحها
بيخافوا يتقربوا ليها !!

فضفضة

انت حالة م التمنى

انت عندى عين وننى

انت وحى من الخيال

انت جوا قلبى راحة

وان من وحى الأباحة

انى أقول غير الكلام

انت عارف كل حاجة

عندى ما تسوى اى حاجة

لو تكون من غير عنيك

هو ايه خلاك مالكنى

عشقك فيا بات هالكنى

حب غيرة شوق حنين

انت لو هتروح لفين

زى كأنى قلبى شايفك

قلبك عندى هو راحتى

ولو مش هتزيد صراحتى

كنت أقول أكتر كمان

سؤال شاغلنى

السؤال اللى فى عنيا
يعنى لو سألوك عليا
بتقولهم حبيبتى ديا
ولا بتدارى بسكات
ولا أنا ضمن الحاجات
أصلها مش الــ الظاهر
يعنى عشق للمظاهر
مش عشق كامن جوا ذات
ولا بتدارى الحقيقة
ليحسدوك الناس فــ دقيقة
وتتحرم من اللذات ؟
وشايل قلبى جوا ننك
حافظ روحى فــ كف ايديك
ليوم ما يريد الرب عيدك ؟
بتقولهم ايه مفترية ؟
ولا حتة من الحورية
ولا درب من الخيال

ولا جواك أحتمال

 أنى ابعد واحدة عنك ؟

قولى داير ايه ففكرك

عايزة أحس بالأمان

مستغرباك

مستغرباك
حاسة انى وحدة مش عرفاك
مش عارفة أوصل للحقيقة
عنيك بريئة او مش بريئة
القلب الملفوف سوليفان
فجأة بقى خردة وبزيئة
ازاى بهون عليك كده
وازاى بتزيف فــ الحقيقة

!

متردد

لسه عايش على ذكرى ماضى
لسه بيتردد قصدى
وعمر ما قلبه ليا رق
وان جيت للحق
انا كنت عارفة
بأحساسى شايفة
وكنت أقول
طب ليه لأ
.

سر الخلطة

أقولك على خلطة حلوة
تخلى النبض رايق
ونفضل على طول حبايب
ضيف حبة من المحبة
على حبة شوق وزايد
اخلاص م اللى تحبه هتلاقى البال عايق
وكلام العشق كتر
وان يوم الله لايقدر
كان بُعد من الحبايب
زَود الجرعة حبة
أَدى طُعم الأحبة
أخلاص وشوق قايد
شيطاننا الله يهده
نغلبه بالربط بينا
وعزولنا الله ما يَرده
نَرجَعُه بخاطره خايب