يا حلوة

يا حلوة زادوا عٌشاقك
دا عشقك بان علي قلوبهم
يا حلوة الكل مشتاقك
و شوقك قولي راح ع مين
يا حلوة الكل راد وصلك
ووصلك قولي رايد مين

حيرة

يا كتب العشق دليني
حبيبي غاوي يكويني
اقوله بجد انا مخصماك
ما يبعت رد يرضيني
بيوحشني ولا يسأل
ألومه يقولي مش فاضي
و يَتعب قلبي و يدادي
و يتمسكن ويتمايل
فـ قلبي عليا يتكاتل
تحن عيوني للنظرة
ويلحقني بـ وحشتيني
علي الحال ده كذا مرة
و نرجع تاني للجرة
دا لا بيهتم ولا ناوي
ما بيحَرَم ولا يسأل
حبيبتي ليه خصمتيني !

شوية أهتمام

علي اد حبك ..

زيد اهتمامك
ان كان غرامك

شئ مش اكيد
خالينا نحفظ ..

شوية مشاعر
ليوم لٌقانا ..

ارد السلام
خالي اهتمامك ..

زاد الغرام
تلزق فـ بالي ..

عشقي و حلالي
خاليني دايما ..

أول صباحك
اخر كلامك ..

مسك الختام

جواب مفقود

أرد بأيه و أنا قلبى
ماهوش ملكى
يقولى بجد حبيتك
أقوله أزاى هنا ساكن
حبيب غيرك
بيكتبنى فى أشعاره
وسمانى بـ مُلهمته ؟
أزود جرح فوق جرحه
و اقوله مش حباه ؟
أقوله أزاى يشوف غيرى
أحطم جوه قلبه حياة ؟
يا 100 اها ..واه ياني
تَتَحبى / تَحبى بتعانى
ما فيش فايدة من الحالتين
ده كله أنين
وما عرفشى مين الجانى

أمنية الرسالة

نفسي بجد ابعتله رسالة
اكتب فيها كلام افلام
يجي في اخره يضم البطلة
و يسمعها أرق كلام
عايزة اكتبله ..
كتير حبيتك ..
عايزة أشوفك ..
نفسي اضمك ..
لكن خوفي لـَ ردة فعله
تكتم بوحي سنين قدام
او يفهمني جريئة بفعلي
بسكت لاحسن اخسر حبه
و ادعي بصدفة تحقق حلمي
من غير ما انطق اي كلام

العيد فرحة

و مين في العيد ما يفرحشي
و جَنبه حَبيب بيدعيله
و بيعَيَد علي قلبه
يارب عمرهم أعياد
يا رب يدوم كده جنبه

رقصة فرح

عارف أنى برقص من الفرح

لحظة ما أشوفك

عارف أنى عشت سنين كتير

 بتمنى طيفك

أن بَنولى ألف بيت

 و أدونى أرض ولا غيط

أنا عمرى كان لحظة ما جيت

و أيدك خدتنى بين كفوفك

عارف أن رسمى زاد حلاوة

و أن بالى راق وعَطر

فكرى بكلامك نقاوة

و أن دمعى فارقه عينى

الحاجات بقى لونها بمبى

و الحمام طاير مرفف

للسما دايما بنادى

 احفظى قلبى و فؤادى

ومن الهنا ادينا أكتر

سن حقنة

الواد قصير عينه زرقة
ما شفش عمره سن حقنة
استحلفني باسم ابويا
بلاش في جسمه تخش حقنة
غصب عني ومش بايدي
كان بيبكي وباس في ايدي
بلاش يا ابلة تدي حقنة

يا عاشقى

يا عاشقي ..
من عشق قلبا مثل حالي
عاش يسعي حول قلبي
ومات عشقا ولن أٌبالي
فقلبي يحوم حول قلب
بغير حبه لن يٌجاري

يا عاشقي ..
صَل فؤادك بقلب غَيري
فإن السبيل لقلبي لن يكون
الا بموت كَوني إنسان حنون
او ان محبوبي ذاب عشقاً
بقلب أخري وبتٌ له عزول

يا عاشقي

البنات حور من يتمنين وصالك

وكل درب في الهوي يٌسلك

من اجل حبيب يَكمل به وصالٌ

دروب بها الأنفاس تٌهلك

ودروب تستكين بها عظامك

جدير بالذكر ليك

جدير بالذكر ليك 

فى وقت جه عليا
حسيت فى الدنيا ديا
ما فيش رجال بعديك
و جدير بالذكر ليك
أحساسى لسه باقى
فى كتير صحيح حواليا
لكن من الدنيا ديا
ما بشوفش غير عنيك
فاكر ساعة التلاقى
ما كنتش عايزة أقرب
و كان فى بالى أهرب
لكن شدتنى عنيك
لقيتنى بين ايديك
أسيرة و بمزاجى
ماكنتش عايزة أجى
و أحساسى خدنى ليك