نوتة وقلم

رجعت تانى لكُتبـها ونوتتها
والقلم الدايب فى حدوتتها
رجعت لخواطر عشقتها
جايز اتمنها
بس الأكيد ما عـَشتها
قلمها كان نسج خيالها

و كلمة يدوب جت ع بالها
رسمت من روحها قصيدة
ساعات تكون تنهيدة
ساعات تكون تبليدة
وساعات تكون فرحانة
واحيانا كتير ولهانة
فى دنيا مش دنيتها

صباح الفل

صباح الفل لعيونك
صباح الورد ده لونك
يانور الليل يـضوينى
يا شمس شروق تدفينى
يا ضوء لازم فــ تكوينى

موزع الأرزاق

اللى مصبرنى فى الغيبة
عيون واضحة وعجيبة
فى البعد بترتاح
وانا طير بجناح
عن بعد بيراقب
وفى راحته يرتاح

صابر يا زمانى وبتحدى
لو حلم فــ يوم عدى
فى الف ع الشباك
وانا من يومى واقفة هناك
مستنية وبتمناك
تكون فى حياتى فَلاَح

ولو يوم حبك مات او راح
انا برضه حامدة وشاكرة
اصل الحب يا ناس ارزاق
واللى بيرزق الخلاق
عالم خبيانا وضواحينا
وموزع الأرزاق

بدارى فيك

بدارى كسوفى منك فيك
وأحس بسرعة بالراحة
ابروز صورة فــ الساحة
تلم شمل عنيا إليك
وأكون بقربك مرتاحة

عشان بتحب

عشان بتحب بتسامح
عشان شايفة السما الوردى
عشان لامحة فى لون ليلك
نسيم الصبح بيعدى

عشان شوقها بتدعيلك

وتدعيلك يا رب اهدى
عشان بتحس فى عيونك
خضار القلب بيـنَدى

مختصر

كل الرجال ليك مختصر
كل البشر اشباه أسر
وانت الــ غالب فــ الأثر
انت الأمان
انت الحنان
سيرة الأمانى المخلصة

انت الدوا لقلب العليل
انت الهنا
دنياة مُنى
رسمتها بحبر الخيال
قولت احتمال
الحلم يَوصل دُنيتى
وادى خطوتى
غرقانة من شهد العسل

انا استاهل

انا اللى استاهل
انا الــ عشقت بالساهل
وبالساهل رمانا فــهجر
انا سلمت بدراعى
لخداعى
وانا اللى شربت اوجاعى

وبنزف جرح

احنا كنا

احنا كنا بين ضلوعهم
ولا كنا فكر شارد
فاقوا لما شافوا غيرنا
ولا كنا فكرة عابرة
عدوا بيها قصة صعبة
شوقى ليك خلانى بنزف

دم فـ مناديل الجوارب

اتخيليت فـ يوم لقانا
دمع فى عيون القدر
بس مش فاكرة بكانا
ولا فرحه بيه غدر

فاكرة بس طير بيرقص
فرح مرسوم ع الشفايف
قلب فيض حنانه يشبه
شلال كبير او نهر جارف

وايه يا عشق

وايه يا عشق ايه تانى

لفين عايز تودينا
دابت فــ البكا ايدينا
وايه تانى كمان فينا
شربنا المر ورضينا

لفين عايز تودينا
حن لبكرة يا ماضينا
امسح قسوته علينا
ضوى الصورة فــ البرواز

لفين عايز تودينا
كتر الذكريات بينا
راشقة فــ فكرى وكأن
ولا روحنا ولا جينا

لفين عايز تودينا
لفين الخطوة وخدانى
خايف ألبد فـ مكانى
تبات فــ الوحل رجلينا

لفين عايز تودينا
طول اللقى علينا
وابعد الفراق عنا
تحلى الدنيا فـ عنينا

امانة عليك تودينا
مكان ما تحب خطوينا

كـان لـك دعـائـى

كـان لـك دعـائـى فـى ركـعـتـى
أحـمـيـه يـا قـادر لـجـلـى انـا
واحـفـظـلـى قـلـبـه مـن الـجـفـا
و نَـور طـريـقـه بـنـور وفـا

لساك حزين

لساك حزين
لساك بتبكى اليوم سنين
لساك حزين
ع اللى باع فــلمح العين
لساك بتحسب خطوتك
هتروح لفين
دا السكة مهما تكون بعيد
اكرم كتير
من قرب المسافة منهم
عيشة مُهين
لساك تقول اشكى لمين
ربك اّمين
ما كنت راضى وعشت فاضى
هنقول لمين

متحفزة

هى كده متحفزة
كل اما اقول كلمة مُنى
تمشى فى عكس الأتجاه
وكأن تاهت منى أنا
بوصلة طريق الأمنية
مستبسلة

وسايبة كل اجناس البشر
واقفة لسد الحال هنا
وانا من هنا
حمدا ربنا
على كل حال ليا أنا
وبستنى اكون
اقرب طريقى ربنا
وانت وانا
مالناش نكون
غير بس عمال للقدر
وأدى القدر
سطر نهاية حبنا
مستحملة
على انى اكون بعاند ربنا
يمكن لنا بعد الفراق
نصيب يقرب حبنا
قادر لنا
يهندسلنا عيشة فــ جنات الهنا

سايق عليك

سايق عليك يا هوى
لتضخ فى ضلوعه
قلبى داب واتهرى
وسايبنى بين طوعه
سايق عليك قهار
لــَ يلف حوارينا

عاشق بشوق جبار
كــ المرسى لسفينة
سايق عليك النبى
وصله مراسيلى
شارخ حطانى الجفا
والعشق داليلى
مطر علينا بندى
يسقى ضواحينا
سايق عليك يا هوى
ماييل نواحينا