عاشق تفاصيلها

عمرك ما هتقدر تهجرها
قلبك عاشق تفاصيلها
مسيرك تعرف ان انت
مخلوق ليها مش غيرها 

نور الصباح

شقشق نور الصباح
و الحلو بحبه باح
و العين مشتاقة اليه
فـ حضنه يحلي البراح 

من حسن حظى

من حسن حظي ان انت ليا
اجمل هدية من السما نزلت عليا
ومن سوء حظ المغرومين
ان قلبك اكتفي بحبي غية
و انا و عنيا هنعشقك و ندادي فيك...
و عشان عنيك هسيب الكون للناس هدية

شمس الأصيل

صباح بينادي لشمس الاصيل
و يحلفها بكل شئ جميل
لـ تملا الدنيا دفا ..
و تفرحنا بالعام الجديد