حالة صعبة

كل واحد حالته صعبة
او يعني شايف حالته صعبة
الصعب كلمة مش صعبة
لو اتقارن بصعب ناس تانين
الصعب حالة من التمني
بس التمني حلم جميل
و الصعب ملل محتاج تغير
و لولا التمني ما كنش الصعب
ولا تٌأخذ المطالب بالتمني
ولكن تٌأخذ بتحدي الصعب

حيطة صحاب

بيجوا في وسط الزحمة
و انت بتحارب سواد الليل
يشدوا فيك ..
يمسكوا بايدك .. اجدع صحاب
و يطمنوك ان الليل من بعده نهار
و يوصلوك لحد باب الدار
مشدود بحيلك .. ممدود بضهرك
مسنود علي اقوي حيطة
حيطة اجدع صحاب

بخاف يحسدونى

بخاف يحسدوني
لما اكتب عن نور عيوني
أحلي الكلام ..
و بخاف اقول عليه
وراني العذاب بايده
ليقولوا عنه قاسي
و ابقي ظلمته بايديا
و جرحت كمان عيناه
قولولي اعمل ايه
و انا عيني فاضحة نفسي
و قلمي سابق كلامي
و كل شعري عليه

حب ملاك

لما تحب حب ملاك
اللي يَقَدر طعم هواك
و اللي يصون العشرة معاك
و ان زعلته .. يفضل برضه
في حبه ملاك