للحب ميدان

كل قصص الحب
محتاجة لميدان
ميدان نتقاتل فيه
مين بيحب التانى اكتر
نبنى منصة عشق
بصوتنا هتاف
أيوه بحبك
تتوحد فينا الكلمة

نرفع راية قلب
عمره ما خان ولا هَد
حب أتولد له فـ إنسان
فــ نكون لعشقنا عبادة

شهريار ويا الأميرة

كل ليلة حلم بعنيك الجميلة
شهريار وانا جنبك الأميرة
كنت شايفة نفسى حـلـوة
رسمة ضحكة /حلا الضفيرة
والسياف مش خايفة منه
أصـل قـلـبـك واثـقـة أنــه
مش هتهون عليه الأميرة
كنت حـاسـة نـبـض قـلـبـك
كـنـت شـايـفـة فـى لمع عينك
حـرف اسـمـى وحـرف اسـمـك
والـخـلـفـيـة صـورة لـيـنـا
كات ايديك حاضنة لأيديا
والـكـلام كـلـه بـعـنـينـا
صاح الديك بحسه كوكو
قمت أدور قولت جايز
ألقى نفسى كنت صاحية
لقيته حلم كل ليلة
شهريار ويا الأميرة

العيب فينا

العيب مش ع الهوي
العيب ف الأصل فيا
سيبنا قلوبنا واتدارينا
ورا شماعة الأعذار
كل فعل كان له مبرر
و الخيانة واضحة فيه
اتعشمنا بحب ف قلبه
اتارينا حالة مرت عليه

قلوبنا الطيبة

لسه قلوبنا الطيبة
شايلة ضحكة قريبة
لنور الصبح الجديد
لسه الحياة فينا
بتبنى لعمر جاى سعيد
وتوعدنا أمانينا
أكيد هــ تجينا
والفرحة جاية أكيد

يا رب طَيب

يا رب اهديله حاله
طيب فكره وباله
ان يوم ضاقت عليه
أفرجها ووسعهاله

يا رب دا ياما طَيب
عبدك دايما قُريب
سهران الليل يدعيك
ما تضيع امله فيك

الرحمة يا سادة

الناس محتاجة ال يراعيها
يشيل هموم من عليها
مش يطالبها تكون حرة
ويلف حباله حواليها

احساس مش مرهون بشرط

احساسه
مش مرهون بشرط
وكل كلامه فيا فرط
من الحب والأحساس
قلب مالهوش أساس
غير أنه بيرتاح ف وجودى
وحَد مشاعره هى حدودى

اتعبنى وفائى

رأيت البعض لا يعنيه فراقي
والبعض يتسول الحب بين أحداقي
وقلبي بينهما يجتاحه ألما
فقلبي هزيل أتعبه وفائي

وصله السلام

حلفت نور القمر
شهدت سهر الليالي
ان كنت في يوم
علي قلبه غالي
وصله خالص سلام

كون الملايكة

محتاجين نحس الأمان 

بين ضلوعنا
محتاجين نمسح دموع 

كانت وجعنا
نبنى تانى الحياة ونخليها

 تحت طوعنا

ما تعرفش ليه

ما تعرفش ليه
النظرة حلوة من عنيك

وليه العين بتشتاق
تتشبع بحروفك

 
ولون الورد على خدودى
لما بيملاها كسوفك

وهز القلب فى رقصته
من فرحته بلمس كفوفك

أحمى قلبك

بتتقرب عشان فاكرة
حبه فيا لسه غالى
طب لأ تعالى
اللى فيا جرح
صعب طبيب يداويه
جرحى قادر
يمحى قلبى واللى فيه
وانتى حاسبى الدنيا دايرة
أحمى قلبك لأحسن
يجى الدور عليه

تعلب فى ضواحيها

ما فيش كلام يتحكى
ما فيش احساس يتقال
البت عاشقة الصبى
والواد لغيرها مال
غلاباوى وفلاتى
مش حمل رزق عيال
بيميل على الشجرة
يقطف فى أوراقها
ما يهوى رزق حلال

والبت يا قهرى
دايبة فى مواويله
سهرانة بتغنى
عشقى هوى ليله
سهرانة بدموعها
والطيبة مالياها
مش شايفة بعنيها
مكر ولاوع خاين
تعلب فى ضواحيها

قربى

قربى ..~
دهشانة ليه تستغربى

ضمى أوى فى قلبى الصبى

قلبى الجعان محتاج حنان

وفــ نن عينك مطلبى

قربى ..~
غوصى أوى بين الأيدين

دوبى بكلام العاشقين

حسى بفؤادك وأهربى

من كل شئ غير مطلبى

قربى ..~

فيضى بحسن الحسناوات

وكونى لى حلوة الحلوات

وأن مرة حد جنبى فات

اوعى بعنيكى تسلمى

قربى ..~