يا صاحب الضمير وديت ضميرك فين
وحياة ابوك مش ناقصة ناس تايهين
فى الحرب ماتوا اللى كانوا مستنظرين
يوم مجد وعلا وتحرير فلسطين
كانت ضميرهم صاحية مش جبنا ولا خاينين
يا صاحب الضمير وديت ضميرك فين
قلبتوا حال الدنيا وغيرتوا حال البنى ادمين
البنى ادم بطبيعته مولود جواه الحنين
بدلتوا ليه عيونكم وقلوبكم فى ايه طمعنين
ويا جامع مالك وناسى حساب يوم الدين
ده على راى اللى قال : الكفن مالهوش جيبين
فى الدنيا كله زايل ولا يبقالك غير فعل وكلمتين حلوين
يا صاحب الضمير وديت ضميرك فين
ويا جارى ورا مناصب قولى كانت دامت لمين
ما هى لو دامت لغيرك ما كانت جاتلك ولا بعد سنين
جاهد وارمى حمولك على الخالق واوعى تلين
يا صاحب الضمير وديت ضميرك فين
اتغيرت المعايير واتقلبت الموازين
وبقى ابن الاصل الحقانى رزل وسئيل
وابو بكش الهتاش هو العاقل الرازين
ايوه باااااااااااظت واتقلبت الموازين
يا صاحب الضمير وديت ضميرك فين
توهنا بين الخونة والظالمين
ونسينا اخلاقنا وعلى ايه متربين
رفعنا راس القادرين ودفنا المحتاجين
وضاعت حقوقنا وبقينا مستهترين
يا صاحب الضمير وديت ضميرك فين
وديت ضميرك فين
وديت ضميرك فين
ليست هناك تعليقات:
إرسال تعليق