بــحــب اســمــع

بحب اسمع واشوف الفخر 
فى عيون اللى قال

مصر امى والعيشة 
فى غيرها محــال

ويا عينى لما بسمع حكاوى 
نصرك على لسان رجال

عاشوا حربك .. شافوا نصرك
 وصبحوا ابطال

وكان نفسى ابقى عايشة
 وارفعلك الف تمثال

نفسى افرح واعلى بيكى
 وارفع راسك للجبال

واحب اشوف الراحة  واللعب
فى عيون العيال

ولما يكبر يلقى ذكرى يحكيها
 ويزيدو حكاوى المقال

وبحس انى عايزة افدى
 عايزة ادى ..مش خيال

بس انتى عارفة 
انك رابطة ايدى بالغلال

لكن قوليلى ايه اللى باقى للى قالوا
 وللى عادوا غير التُقال

تُقل عشش فوق قلوبهم 
ومين اللى قال

ان اللى عاشوا وشافوا 
عيشة اسود من الخيال

لجل تبقى ..

 لجل تعلى ..
ويعلى علمك فوق رمال

تنسى حتى تكريميهم
ولو بنص ريال 

 يا ام غالية
الام بتضحى لجل العيال 

بس باقية فيكى صابرة 
حتى لو شوفت الهزال 

ارضى حبة  على اللى شالوا 
علمك فوق تل الرمال 

وارسى يلا واعلى بيهم
 ده  مش محال  

دا انت غالية ايوه والله
 اغلى حتى من العيال

اقفى حبة واكرميهم 
يا ام الاجيال

دى  مصر غالية

ايوه والله
 والعيشة فى غيرها محال