غفير القصر

مش هكتب شعر
وأعلق ورقة بأنى بغير
مش هفضل عايشة فى قصة
وحبك وهم كبير
مش هفضل أدأدى وأهاتى
وقول معلش الصبر جميل
وأنا شايفة بعندك ليا
بترسم سكة لفُرقة وبعد خطير
أنا أيوه بسامح
بديك فرصة للتغير
ولا معنى ده أنى أثيرة
فى حضن بخيل
ولا أنى هافية
قليلة العقل والتفكير
دا أنا صورتى لحبك
أسرة وعيلة وضلة وخير
هديلك وقتك فى التفكير
ويا هــ نبنى القصر
لَــ هنبقى على أبوابه غفير