ما حدش يقولى مالك
ردى عليه ما فيش
أنا حالة مـ
الدراويش
أو أصلى جنية
جايز عقل ما فيش
لكن جوايا ضمير
مخلى خلق حمير
يتحكموا فيا
انا يمكن نصى ساب
او عقلى منى غاب
لكنى فى الأنساب
يتشرفوا بيا
ما تسخفوش فعلى
ما كنش حلمى اخاف
واشوف ايامى عجاف
وأنا كلى وطنية
لا كلت قرش حرام
ولا بعت فى الأرحام
ولا زاغوا حتى عنيا
بتعلوا فى اللى شاب
سارح مع الأغراب
خاين لوطنية
ما كنش فيا عيب
عيبتوا ليه عليا
أحوالكوا صابها جفاف
العدل والأنصاف
وحاجات كتير تايهه
خالتكوا خلق حمير
تتحكموا فيا
ليست هناك تعليقات:
إرسال تعليق