خلق عَلب

الخلق علب ودواير
على كل شكل ولون
خلق من نظرة تبنيك
خلق م التانية تردمك
خلق فى الصعب ترميك

وخلق بتقوى مَركَبك
وخلق عَلب صفيح
بهاريز الاصل جواها
وتفيد فى ايه العلب
واتفضى محتواها
فى منهم علب أزأز
مكشوفة نواياها
ومنهم علب بلاستك
ذمة وضمير بأستك
الصين صنعاها
ومنهم فتارين بلومض
سانيه فى لمعتها
صورة وتلميع جلانس
والقطنة فضحتها
وخلق علب كرتون
تشربها بالشليمون
والمادة حفظاها