بلد العُجاب

بلدى دى بلد العجايب
اللى حاضر واللى غايب
أسم فــ شهادة ميلاد
موته ما يهم البلاد
حقه دايما عنه ضايع
والسواد بقى زى رسمى
الولاد شهدا وأيادى
بلطجية بزى مخفى
تضرب الطلقة فــ وادى
تستخبى وتستخفى
بدم نازل ع التراب
بلدى يا بلد العُجاب
ليه جناين الورد زادت
ع العباد الحسبه ضاقت
اّلة حاسبة جوا منهم
خربت بفضل الحداد
عيشة اسود من السواد
عارفة بكرة تنسى اسمى
تنسى حامى للبلاد
تدعمى أبو زى رسمى
راعى جنازات الولاد